French for Myanmar

ရုပ်ရှင်၊ သတင်း၊ သီချင်း၊ ဇာတ်လမ်းတွဲ၊ Application၊ Social Media၊ Youtube Channels ဘယ်ဟာ ပိုကောင်းလဲ ??

ဘာသာစကားတစ်ခု သင်ယူနေချိန်မှာ သက်ဆိုင်ရာ ဘာသာစကားနဲ့ဆိုင်တဲ့ ရုပ်ရှင်၊ သီချင်း၊ ဇာတ်လမ်းတွဲ၊ Application စတဲ့ အနုပညာခံစားမှုများ၊ နည်းပညာများမှတဆင့် မသိစိတ်ကနေ အလိုအလျောက် ဘာသာစကား သင်ယူမှုဟာလည်း အထောက်အကူ ဖြစ်ပါတယ်။ အထူးသဖြင့် သက်ဆိုင်ရာ ဘာသာစကားကို ပြောဆိုနေတဲ့ နိုင်ငံ (သို့) ရပ်ဝန်းတစ်ခုအတွင်း သွားရောက်သင်ယူရန် မဖြစ်နိုင်သေးတဲ့ အခြေအနေမျိုးတွေမှာ ထိုသင်ထောက်ကူ နည်းလမ်းတွေဟာ ပိုမိုအရေးပါ ပါတယ်။

ဒါပေမယ့်လည်း ရွေးချယ်စရာများလွန်းတဲ့ သင်ယူမှုနည်းလမ်းတွေထဲက အကောင်းဆုံးကို သိရှိပြီး တစ်စိုက်မတ်မတ်လေ့လာသင်ယူမှု ပြုလုပ်တတ်ရန်လည်း အရေးကြီးပါတယ်။ ပြင်သစ်စကား ၁၀နှစ်နီးပါး သင်ကြားမှု အတွေ့အကြုံတွေအရ ဇာတ်လမ်းတွဲ ကြည့်ရှုခြင်းနဲ့ သတင်းနားထောင်ခြင်းတို့ဟာ အခြေခံအဆင့်ရော ကြားအဆင့် အတွက်ပါ အကောင်းဆုံး သင်ယူနည်းပါ။ ဝါကျတည်ဆောက်မှု ရိုးရှင်းပြီး တိကျပြတ်သားတဲ့ စကား ပြောဟန်နဲ့ တင်ဆက်ရလေ့ရှိတဲ့ သတင်း အစီအစဉ် တို့ကို နားထောင်ခြင်းကြောင့် အကြားစွမ်းရည် တိုးတက်နိုင်သလို ဇာတ်လမ်းတွဲတွေမှာလည်း ရုပ်ရှင်ထက် နေ့စဉ်သုံး ဘာသာစကား အသုံးအနှုန်းများ ပိုမိုပါဝင်တာရယ်၊ ဆွဲဆောင်တတ်တဲ့ အနုပညာခံစားမှု ရသပါဝင်တာရယ် တို့ကြောင့် ဘာသာစကားစွမ်းရည် တိုးတက်ဖို့ များစွာ အထောက်အကူ ပြုတတ်ကြပါတယ်။ ဇာတ်လမ်းတွဲ အမျိုးအစားတွေမှာလည်း အပစ်အခတ် အသားပေး ဇာတ်လမ်းမျိုးထက်စာရင် စကားများများ ပြောဆိုလေ့ရှိတဲ့ မိသားစု၊ အချစ်၊ ဟာသ ဇာတ်လမ်းအမျိုးအစားများဟာ ဘာသာစကား သင်ယူမှုအတွက် ပိုမို သင့်လျော်ပါတယ်။

သီချင်းဝါသနာပါသူတွေအတွက်လည်း သက်ဆိုင်ရာဘာသာစကားနဲ့ဆိုင်တဲ့ သီချင်းတွေအများကြီးထဲကမှ သင်ကြားရေးသုံး အခြေခံအဆင့်နှင့် ကြားအဆင့် (ဥပမာ A1 level/A2 Level French songs) ဆိုပြီး အဆင့်ခွဲခြားထားတဲ့ သီချင်းတွေကို ရှာဖွေနားဆင်နိုင်မယ်ဆိုရင် ပိုကောင်းပါတယ်။

Applications တွေကလည်း အထောက်အကူဖြစ်ပါတယ်။ ယခုအခါမှာ online နဲ့ သုံးရတဲ့ apps တွေဖြစ်တဲ့ မှာ သက်ဆိုင်ရာ ဘာသာစကားအလိုက် native speakers တွေနဲ့လည်း ချိတ်ဆက် သင်ယူနိုင်နေပြီ ဖြစ်ပါတယ်။

Social media ကလည်း အလွန် ထိရောက်ပါတယ်။ ဘာသာစကား လေ့လာသင်ယူမှုနဲ့ ပတ်သက်တဲ့ သုတေသန တွေ့ရှိချက်တွေအရ ဘာသာစကားရဲ့ သဘောသဘာဝဟာ လူမှုဝန်းကျင်နှင့် ပိုမိုထိတွေ့နိုင်လေလေ ပိုမိုတတ်မြောက်တတ်တဲ့ သဘာဝရှိကြောင်းကို နိုင်ငံတကာက ဘာသာစကားသင်ကြား ရပ်ဝန်းတွေက လက်ခံထားကြပါတယ်။ ဒါကြောင့်လဲ အပြန်အလှန် ဆက်ဆံနိုင်မှုကို အထောက်အကူပြုတဲ့ Social media တွေကလည်း ဘာသာစကား သင်ကြားမှုအတွက် အထောက်အကူ ဖြစ်ကြပါတယ်။ အကောင်းဆုံးတွေကတော့ Pinterest ၊ Facebook နှင့် Twitter ပါ။ Pinterest မှာ သက်ဆိုင်ရာ ဘာသာစကားနဲ့ ပတ်သက်တဲ့ ဝေါဟာရ vocabulary ၊ သင်ထောက်ကူ ကားချပ်များ၊ ရုပ်ပုံများ၊ ကာတွန်းများကို စုစည်းပြီး လေ့လာသင်ယူနိုင်ပါတယ်။ Facebook နဲ့ Twitter ကတော့ အရေးစွမ်းရည်၊ အဖတ်စွမ်းရည် တို့ကို အထောက်အကူဖြစ်စေတဲ့အပြင် အပြန်အလှန် ရေးသားဆက်သွယ်၊ ဆက်ဆံရာကတဆင့် သင်ယူသူရဲ့ စိတ်အားထက်သန်မှုကိုလည်း တိုးမြှင့်ပေးနိုင်ပါတယ်။

ပြင်သစ်ဘာသာစကား စတင်သင်ယူလိုသူ အခြေခံ အဆင့်ရှိသူတွေနဲ့ ကြားအဆင့် ရှိသူတွေအတွက် အကောင်းဆုံးဖြစ်မယ့် ရုပ်ရှင်၊ သီချင်း၊ ဇာတ်လမ်းတွဲ၊ Applications၊ Youtube channels၊ ရုပ်သံလိုင်း တို့ကို လမ်းညွှန် websites များမှတဆင့် ဖော်ပြပေးလိုက်ပါတယ်။

လမ်းညွှန် website များ

ရုပ်ရှင်

https://www.fluentu.com/blog/french/french-movies-for-beginners/

https://www.french-exam.com/exam-preparation-civilisation-francais-list-of-movies-to-improve-your-french-a1-a2-b1-b2-c1-c2/

ဇာတ်လမ်းတွဲ

Language Learning Series

Extra French Series: https://www.youtube.com/channel/UC2mv2wEdsVY1Yt2OAQniz0g

Ensemble French Series: https://www.youtube.com/channel/UCNG5i1Kj8ydaWSvdovJY7pQ

Parlez-moi Series: https://www.youtube.com/channel/UC91jtIfx9bZkQaM2bGmCQOA/videos

TV series

https://www.fluentu.com/blog/french/french-tv-series-to-learn-french/

https://www.talkinfrench.com/best-french-tv-series/